میتھی .مرد اور عورت کے لیے یکساں مفید
میتھی ایک مشہور جڑی بوٹی ہے جو کہ طویل عرصے سے متبادل ادویات میں استعمال کی جاتی ہے۔ یہ برصغیر پاک وہند کے پکوانوں میں اکثر ضمیمہ کے طور پر استعمال کیا جاتا ہے۔ اس سے پہلے کہ ہم اس کے متعدد فوائد کے ساتھ ساتھ مضر اثرات پر نظر ڈالیں، سب سے پہلے یہ جانتے ہیں کہ میتھی ہے کیا۔
میتھی کیا ہے؟
میتھی ایک سر سبز پودا ہے جو کم وبیش 3 فٹ لمبا ہوتا ہے۔ اس پر چھوٹے سفید پھول، اور پھلیاں ہوتی ہیں جن میں چھوٹے سنہری بھورے بیج ہوتے ہیں۔
برسوں سے میتھی کو چینی ادویات میں جلد کے لیے اور بہت سی دوسری بیماریوں کے علاج کے لیے استعمال کیا جا رہا ہے۔
صرف یہی نہیں بلکہ گھریلو مصالحہ جات میں استعمال ہونے کے ساتھ ساتھ یہ صابن اور شیمپو جیسی مصنوعات میں بھی پایا جاتا ہے۔ اس کے بیج اور سفوف کو پاک وہند کے خطے میں پکوانوں کی غذائیت میں اضافے کے لیے استعمال کیا جاتا ہے۔
چھاتی کے دودھ کی پیداوار میں موثر
بچوں کی بات کی جائے تو ماں کا دودھ غذائیت کا بہترین ذریعہ مانا جاتا ہے۔ تاہم اکثر دیکھا جاتا ہے کہ مائیں دودھ کی پیداوار ناکافی ہونے کے باعث جدوجہد کرتی نظر آتی ہیں اور انہیں پریشانی کا سامنا کرنا پڑتا ہے۔ اگرچہ معالجین کی ہدایت کردہ ادویات ماں کے دودھ کی پیداوار کو بڑھانے کے لیے استعمال کی جاتی ہیں لیکن تحقیق میتھی کو ایک محفوظ، قدرتی متبادل ثابت کرتی ہے۔ اس دوران ایک تجربے کی روشنی میں 77 نئی ماؤں میں 14 دن کی ایک تحقیق سے پتا چلا کہ میتھی کے بیجوں کے ساتھ جڑی بوٹیوں والی چائے پینے سے چھاتی کے دودھ کی پیداوار میں اضافہ ہوا، ناصرف اتنا ہی بلکہ اس سے بچوں کی صحت پر مثبت اثرات مرتب ہوئے اور ان کا وزن بھی بڑھا۔
مردانہ جنسی صحت کے لیے فائدہ مند
مردوں میں میتھی کے اجزاء استعمال کرنے کی ایک عام وجہ جنسی قوت کو بڑھانا ہے۔ کچھ مطالعات سے پتہ چلا ہے کہ اس کے فائدہ مند اثرات ہیں جس میں شہوت میں اضافہ قابل ذکر ہے۔
ایک 8 ہفتے کے مطالعے میں، 30 کالج کے عمر کے مردوں نے ایک ہفتہ ویٹ لفٹنگ کے 4 دورانیے لگائے، ان میں سے آدھی تعداد یعنی 15 کو روزانہ 500 ملی گرام میتھی ملی۔ اگرچہ دوسرے گروپ کے مردوں نے جنسی توانائی میں معمولی کمی کا تجربہ کیا مگر میتھی کے گروپ نے نہ صرف اضافہ دکھایا بلکہ ان کے جسم کی چربی میں 2 فیصد کمی بھی واقع ہوئی۔
ایک اور مطالعے سے پتہ چلا جو کہ 6 ہفتوں پر مشتمل تھا، اس میں 30 مردوں کو 600 ملی گرام میتھی کا عرق فراہم کیا تاکہ جنسی فعل اور شہوت میں تبدیلیوں کا اندازہ لگایا جا سکے۔ جس میں اکثریت نے بڑھتی ہوئی طاقت اور جنسی فعل میں بہتری محسوس کی۔
ذیابیطس اور بلڈ شوگر پر قابو پائیے
میتھی بہت سے امراض کی طرح ذیابیطس کے مرض میں بھی بے حد مفید ہے۔ تحقیق سے معلوم ہوا ہے کہ میتھی ذیابیطیس کی پہلی اور دوسری دونوں اقسام پر اثر انداز ہوتی ہے۔ ایک تجربہ میں پہلی قسم کے ذیابیطس والے افراد نے دوپہر کے کھانے اور رات کے کھانے میں 50 گرام میتھی کے بیجوں کا سفوف کھایا۔ 10 دن کے بعد، شرکاء نے خون میں شکر کی بہتر سطح اور مضر کولیسٹرول میں واضح کمی محسوس کی۔ ایک اور تحقیق میں ذیابیطس کے شکار افراد نے میتھی کا استعمال کیا، ان کے کھانے کے 4 گھنٹے بعد بلڈ شوگر کی سطح میں 13.4 فیصد کمی آئی۔
دیگر فوائد
ابتدائی تحقیق سے معلوم ہوا کہ میتھی مندرجہ ذیل فوائد کی حامل ہے:
بھوک پر قابو
اب تک کے 3 مطالعات سے معلوم ہوا کہ میتھی بھوک میں کمی پیدا کرتی ہے۔ ایک 14 روزہ مطالعے سے پتہ چلا کہ میتھی کے صارفین میں چربی کی سطح میں 17 فیصد کمی واقع ہوئی جو کہ ایک حیرت انگیز انکشاف ہے۔
کولیسٹرول کی سطح پر قابو
کچھ شواہد بتاتے ہیں کہ میتھی کولیسٹرول کی سطح کو کم کرتی ہے۔
سینے اور معدے میں جلن
بار بار سینے کی جلن والے لوگوں میں 2 ہفتوں کے ابتدائی مطالعہ سے پتہ چلا کہ میتھی نے ان کی علامات کو کم کیا۔ درحقیقت، اس کے اثرات معدہ کو بہتر بنانے والی ادویات سے ملنے لگے۔
سوزش
اس جڑی بوٹی نے چوہوں اور چوہوں میں سوزش کے اثرات کا ظاہر کیا البتہ انسانوں میں اس کی تصدیق کے لیے مزید تحقیق کی ضرورت ہے۔
میتھی کا استعمال کیسے کریں۔
فائد کے اعتبار سے میتھی کے مختلف استعمالات ہیں لہذا استفادہ کے لیے حالت کا تعین ضروری ہوگا جبکہ اس کے لیے کوئی واحد تجویز کردہ خوراک نہیں ہے۔ مزید برآں، خوراک آپ کے مطلوبہ فائدے کے لحاظ سے مختلف ہو سکتی ہے۔
حفاظت اور ضمنی اثرات
بھوک میں کمی چند نمایاں علامات میں سے ایک ہے جو کہ نقصان دہ ہو سکتا ہے خاس طور پر اگر آپ بھوک میں تعطل کا شکار ہیں یا وزن بڑھانے کی کوشش کر رہے ہیں۔
مزید برآں ذیابیطیس پر اس کے اثرات کے پیش نظر شوگر کے مریض اس کا استعمال اپنے معالج کی ہدایات پر کریں بالخصوص تب جب آپ ذیابیطیس کی دوائیں استعمال کر رہے ہوں جو خون میں شوگر کی سطح کو کرتی ہیں۔
جانوروں کے مطالعے سے پتہ چلتا ہے کہ بہت زیادہ خوراکیں متعدد منفی ضمنی اثرات کا باعث بنتی ہیں، بشمول ڈی این اے کو نقصان، اولاد کے امکانات میں کمی، اعصابی مسائل، اور اسقاط حمل کا بڑھتا ہوا خطرہ۔
اگرچہ ان میں سے زیادہ تر ضمنی اثرات کی لوگوں میں تصدیق نہیں ہوئی ہے، اور استعمال شدہ خوراکیں غیر معمولی طور پر زیادہ ہیں، کچھ سائنسدان میتھی کو بطور ضمیمہ (Supplement) کے استعمال کے بارے میں فکر مند ہیں۔
